Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopourutan pomilian Umno manahak kosiwatan do miso

Musa (tolu mangad gibang) papatahak sakadai kumaa tulun nolohing id Pulau Nunuyan.
Musa (tolu mangad gibang) papatahak sakadai kumaa tulun nolohing id Pulau Nunuyan.

SANDAKAN: Kopourutan pomilian Umno manahak kosiwatan kumaa momuruan do monumpuan karaja montok popiiso puru paati dilo.

Boyoon Montiri ih ponogi Boyoon Kotinanan Piromutan Umno Sabah Datuk Seri Musa Haji Aman minoboros do pomilian dilo milo papanahon soira-ira timpu asal do ogirot o paati nokomoi.

“Nunu ih kosuul, paati apatut kotilombus ogirot. Soira miso om ogirot piuludan id tanga dotokou toinsanan, kaanu tokou papaharo mitingan soira ira timpu.

“Umno Sabah nokotumboyo do popourut pomilian dilo do babaino diti,” ka disio soira pinokianu mongulas karait atag popourut pomilian Umno solinaid 18 tulan.

Minoboros isido miagal dilo soira rinuba maganu habar kalapas minopotimpuun ababayan panahakan sakadai kopihondot Ramadan kumaa soginumu 987 tulun id Pulau Nunuyan Sandakan.

Karait ababayan dilo, Musa ih ponogi lalansanon Sungai Sibuga minoboros do ababayan koubasanan monikid toun dilo id tulan puassa manahak kosiwatan rumuba mogigion kampong do papatahak toluod kumaa diolo di momorlu sakadai.

Nokotindapou nogi ih Puru Parlimen Libaran, Datuk Juslie Ajirol, lalansanon Gum-Gum, Datuk Zakaria Haji Mohd Edris om lalansanon Sekong, Datuk Samsudin Yahya.- AA/Sayangsabah

Komen


Berita Berkaitan