Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopotutan Sabah 40 pihatus: Lobi ogumu kotundaan

Syed Abas Syed Ali (gibang) Ghapur Salleh (wanan) – foto Ille Tugimin / SayangSabah
Syed Abas Syed Ali (gibang) Ghapur Salleh (wanan) – foto Ille Tugimin / SayangSabah

TAWAU – Piro-piro momuruan id pogun diti osonong raramit karait ponuridangan komiti poimbida montok monoriuk kawagu kopotutan do Sabah mamaramit 40 pihatus mantad asil oborisi ih nopuhu do koporintaan longkod mantad pogun diti.

Tumanud diolo, atag ponuridangan komiti dilo kosuul montok monoriuk kopotutan ih apatut aramit do pogun diti om okon ko kituduan mokianu royalti di ogumu.

Montok Puru Parlimen Kalabakan, Datuk Seri Ghapur Salleh, otumbayaan isido do Luguan Montiri Datuk Seri Najib Tun Razak kaanu poposogulu nunu nopo pokionuon do rayat Sabah.

Ka disio, nunu nopo kokurangan om koporluan dii apatut patahakon kumaa Sabah om Sarawak nga mangan soriuko komiti dilo.

“Yoho sondiri nga nokopogowit nogi ahal karait kotundaan id Sabah id Parlimem. Sokiro 40 pihatus otumboyo di Luguan Montiri, mogigion Sabah kaanu lobi ogumu kotundaan mantad nunu ih napalan di gulu,” ka disio.

Ih kawawagu, Puru Parlimen Kimanis ih ponogi Montiri Labus, Datuk Seri Anifah Aman minoboros do Luguan Montiri Datuk Seri Najib Tun Razak nokotumboyo monuridong iso komiti poimbida nokomoi kalapas minapaharo pirubaan id Perdana Putra, Putrajaya.

Pirubaan dilo natanud nogi di Ponorikohon Paati Pembaharuan Pogun Sabah (Star), Datuk Dr. Jeffrey Kitingan; bagas boyoon raan PKR Tuaran, Ansari Abdullah; Monunurat Tapantang Parti Kerjasama Rakyat Sabah (Pakar) Zainnal Ajamain om Luyor Perlembagaan, Edmund Bon.

Daamot dilo, puru Walai Koundangan Pogun (ADUN) Balung, Datuk Syed Abas Syed Ali minoboros do piro-piro ahal apatut intangan kosuang monoriuk kawagu nunu ih apatut oigitan do Sabah. – Dii Sitti Nor Azizah Talata / SayangSabah

Komen


Berita Berkaitan