Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopotutan do rayat Sabah kasasari atamangan: Yahya

Yahya mamaso manahak boboroson id ababayan dilo. - Foto SAYANGSABAH
Yahya mamaso manahak boboroson id ababayan dilo. – Foto SAYANGSABAH

PUTATAN – Kumoduo Boyoon Montiri Datuk Yahya Hussin minoboros do kopotutan mogigion Sabah karait tana om asil tadon sandad id pogun diti pointatap atamangan mantad tulun labus.

“Haro kopotutan tokou dilo waig, kayu balak, tana om tadon sandad. Tulun mantad labus amu milo maganu om aiso kopotutan do monguhot nunu kopotutan tokou,” ka disio kumaa maganu habar karait laang do porinta pogun mogodu sombohogian puru pointantu ih sumuang id pogun diti.

Pogulu dilo minopotimpuun ih Yahya Pitimungan Raan ngawi Umno Bohogian Putatan 2015 id Dewan Serbaguna Pasir Putih.

Nokotindapou nogi ih Boyoon Raan Koonduan, Komulakan om Puteri.

Tumanud di Yahya, porinta pogun haro kopotutan do mogodu om mangantob puru pointantu mantad monoruang pogun diti.

“Puru labus ih momorumbak piuludan om pirotian mogigion Sabah amu apatut pasagaon sumuang id pogun diti,” ka disio.

Minoposorou nogi isido kumaa toinsanan soginumu 138 raan Umno Bohogian Putatan moi papaharo mitingan om tumanud kooturan do paati. – Dii NUZIR ANDI SAMSIAR / Sayangsabah

Komen


Berita Berkaitan