Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopotimpuunan Karamaian Kaamatan Nayatan Pogun 2016 nakaanu raramit tosonong

layapan
TENOM: Karamaian Kaamatan Nayatan Pogun 2016 ih pinotimpuun id watas diti ontok tadau ko 1 tulan Kolimo nakaanu raramit tosonong miampai kinorikatan lobi 5,000 tutumombului labus om suang pogun.

Tupisor Watas Tenom ih ponogi Ponorikohon Komiti Papanau Ababayan dilo Madiyem Layapan minoboros do oondos ginawo disio nokokito kinorikatan tulun ginumuan id ababayan dilo.

“Kinalantaian do ababayan diti amu doti agampot sokiro aiso pingisaman om ponguhupan mantad toinsanan koupisan porinta pogun om pisompuruan,” ka disio id iso kointalangan do hiti di baino.

Mongunsikou nogi isido kumaa Koupisan Karaja Tagayo Sabah, Koupisan Kointalangan Sabah, SESB, puru koumoligan kosuang Polis DiRaja Malaysia, RELA, Koupisan Panamangan Ginumuan, Koupisan Cetak Pogun Sabah, Longkod Koubasanan Murut, Tupis Balajaran Tenom, Protokol Pogun, Kadazan Dusun Cultural Association (KDCA) om suai poh ih nakaampai id ababayan dilo.

Karamaian tadau Kaamatan nayatan Pogun dilo pinotimpuun dii Boyoon Montiri Sabah Datuk Seri Panglima Musa Haji Aman.- SayangSabah

Komen


Berita Berkaitan