Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopokionuan palabus kad kointutunan poimbida montok Sabah

pairin-zahid
KOTA KINABALU: Porinta nunsub mooi mogintong lobi pointopot kopokionuan do palabus kad kointutunan Malaysia id Sabah montok mogintong kopio mogigion di pointopot ningkokoton noh kaanu dokumon dilo.

Porosidin Paati Bersatu Sabah (PBS) Tan Sri Joseph Pairin Kitingan minoboros do atag dilo potilombus momorisi rijistor kiningkokoton om rijistor pomilih id Sabah mantad nosugkuan tulun songkosuaian aiso kasagaan (PATI).

Minoboros isido miagal dilo soira minanahak boboroson id pitimungan tagayo tounan PBS ko-30 do hiti.

Ababayan dilo pinotimpuun di Kumoduo Luguan Montiri Datuk Seri Ahmad Zahid Hamidi. Nokotindapou nogi ih Boyoon Montiri Sabah, Datuk Seri Panglima Musa Amano m momuruan ngawi Barisan Nasional Sabah, di suai.

Minoboros ih Pairin do ahal PATI haro kogoitan miampai koumoligan om kodaulatan pogun Sabah om Malaysia.

Sabap dilo Komiti Tiknikal karait RCI modidikot aiso kasagaan id Sabah ih binuruan disio sondiri mingisom do mogintong kopio atag ponginsanangan porosis om laang manalassai kobolihangkangan PATI kapanau do porinta. – Dii Dewiana Tinggolongon / sayangsabah.

Komen


Berita Berkaitan