Sayang Sabah Facebook

Likes
Sayang Sabah Twitter

11,751

Followers

Sayang Sabah - Portal Berita Negeri Kita

Kopiagalan do gender pokito piuhupan: Jainab

6:31am 14/04/2016 Maryann 0 views Abal Kinoyonon,Kinoyonon,Kota Kinabalu

GENDER
KOTA KINABALU: Kopiagalan do gender okon nopo ko karait kopotutan koonduan om kusai nga ilo iso pongotulan kumaa piuhupan montok poingkawas koonuan do tinan sondiri.

Montiri Kotundaan Mogigion om Ahal Momoguno Datuk Jainab Ahmad minoboros do pasarabakan do piuhupan diti nopo nga nokotimpuun mantad paganakan sondiri om manahak kagabasan kumaa tangaanak diolo do momili hobi miampai amu tumanud do jantina.

“Tangaanak apatut tudukan do mamantang tiso om tiso mamaso tokoro poh moi soira osukod yolo lobi karati yolo diti kopiagalan do gender.

“Ahal kopiagalan do gender nopo nga iso aha di apatut onuan pogintangan sabap kaanu manahak kopurimanan kumaa toinsanan puru om id suang timpu dilo kaanu poingkawas piuhupan id tanga toinsanan puru,” ka disio.

Minoboros isido miagal dilo soira minanahak boboroson id Pisidangan Sompomogunan Koonduan Asean ko-2 kitulu ‘Gender Mainstreaming and Public Policy’ id Hotel Promenade, do hiti di konihab.

Alansan nogi ih Jainab mooi poompus pisidangan dilo, kobolihangkangan karait ahal diti aanu pibarasan miampai osorisid. – Sayang Sabah

Apa Komen dan Pendapat Anda

Artikel Berkaitan