Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopeks nakaanu kountungan RM24.3 riong

Maznah1KOTA KINABALU – Koporasi Kukumaraja Porinta Sabah Berhad (Kopeks) nakaanu kountungan oborisi soginumu RM24.3 riong mantad timpu 2008 gisom 2014.
Ponorikohon dau Datuk Maznah Abdul Ghani minoboros do mantad ginumu dilo, binayaran do Kopeks dividen kumaa puru dau monikid toun soginumu apat pihatus di toun 2008 om turu pihatus montok toun 2009 gisom 2011.
Tumanud disio, pambaraian do dividen nokomoi nokoinsawat kumaa 12 pihatus di toun 2012 om 2013.
“Binaraian tokou nogi dividen toun 2013 kumaa puru koporasi diti mantad Komontirian Kotundaan Infrastruktur (KPI), Koupisan Karaja Tagayo (JKR), Koupisan Pelabuhan om Dermaga om Koupisan Waig om piro-piro koupisan do suai id siriba KPI.
“Ginumu toinsanan dividen do Kopeks montok toun 2013 nopo nga soginumu RM934,311,” ka disio soira minanahak boboroson id ababayan panahakan Insentif Balajaran Tangaanak Sikul puru Kopeks omntk Poniiisan Ponilaian Menengah Tosiriba (PMR) om Sijil Balajaran Malaysia (SPM) toun 2013 om pomohogian do Dividen Kopeks.
Ababayan dilo pinotimpuun di Monguhup Montiri id Koupisan Boyoon Montiri Datuk Mohd. Arifin Mohd. Arif. Nokotindapou id ababayan dilo Potunud Suruhanjaya Koperasi Malaysia Pogun Sabah, Umar Sarim Saidin; Boyoon Tupisor Eksekutif Kopeks Buvil Angkui om puru ngawi Kopeks. – Dii Monica Gidong / SayangSabah

Komen


Berita Berkaitan