Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kopeks kitaangayan monguhup id kotundaan om komogoton ekonomi pogun

 Mohd. Arifin Mohd. Arif (gibang) papatahak insentif kumaa sogulun susumikul id ababayan dilo. - foto Monica Gidong

Mohd. Arifin Mohd. Arif (gibang) papatahak insentif kumaa sogulun susumikul id ababayan dilo. – foto Monica Gidong

KOTA KINABALU – Koporasi Kukumaraja Porinta Sabah Berhad (Koopeks) kitangaayan tagayo do monguhup id kotundaan om komogoton ekonomi pogun, ka di Monguhup Montiri id Koupisan Boyoon Montiri Datuk Mohd. Arifin Mohd. Arif.
Otumbayaan isido miampai momuruan di osonong om pamalanan di kiwaya, kaanu o Kopeks papanau tonggungan dau montok popoburu siktor koprasi id suang Keluaran Dalam Negara Kasar (KDNK) rumiko toun 2020.
“Id siriba Dasar Koperasi Negara ih pinoimpuun di Luguan Montiri Datuk Seri Najib Tun Razak, siktor koporasi pikikiro kaanu monuang 10 pihatus id suang KDNK rumikot toun 2020.
“Kopiagal dilo Pelan Transformasi Ekonomi do mamagampot ningkokoton pogun nakalantoi miampai pandapatan perkapita soginumu AS$15,000 do toun 2020, oporlu o siktor koporasi popoingkawas pongindopuan om koonunuan miampai popoingkawas inglimo kopilipat id suang KDNK, mantad 0.8 pihatus do baino diti kumaa limo pihatus do toun baino om potilombus mamagampot 10 pihatus id KDNK toun 2020.
“Otumbayaan oku kaanu o Kopeks papanau tonggungan dau montok popoingkawas sumbangan siktor koporasi id KDNK,” ka disio soira minanahak boboroson id ababayan panahakan insentif Insentif Balajaran Tanak Puru om mamahagi Dividen 2013 kumaa puru ngawi Kopeks id Dewan Serbaguna JKR, Sembulan.
Id ababayan dilo soginumu 70 susumikul cemerlang Penilaian Menengah Rendah (PMR) om Sijil Pelajaran Malaysia (SPM) toun 2013, nakaramit insentif balajaran mantad Kopeks.- Dii Monica Gidong / SayangSabah

Komen


Berita Berkaitan