Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Koonduan Umno Sepanggar minopolulus usul rayat Sabah

KOTA KINABALU – Mitingan Lalansanon Koonduan Umno Bohogian Sepanggar di tadau baino minopolulus usul mokianu porinta do momili Guru Besar om Pengetua sikul id pogun diti id tanga tulun mogigion Sabah.

Boyoon dau Datuk Jainab Ahmad Ayid minoboros do pomilian dilo apatut wonsoion sabap ogumu rayat Sabah ih mamaso pakaraja sabaagi mongingia id sikul haro kalayakan pillion id ningkokoton dilo.

“Ogumu mongingia ih alayak pillion do Guru Besar om Pengetua Sikul id pogun diti nga naantaban ilo sabap Palan Kotundaan Balajaran Malaysia mokianu katanud iyolo pinsingilaan NPQEL,” ka disio soira minopoboros usul dilo id mitingan do hiti di baino.

Tumanud di Jainab kopoindalanan impohon balajaran dilo mogowit ogumu mongingia amu orohian tumanud pinsingilaan solinaid limo tulan sabap asansagan mamahagi timpu karaja om paganakan.

“Karaja sabaagi Guru Besar om Pengetua sikul apatut igitan do rayat Sabah sabap iyolo nopo nga lobi karati kowowoyoon koposian rayat mogisuai suai tinaru om ugama id pogun diti,” ka disio. – Dii Nuzir Andi Samsiar / Sayangsabah

Komen


Berita Berkaitan