Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

Koonduan noiduan ginawo, korita nasambalik mangalai tasu

7:20pm 08/03/2016 Maryann 0 views Abal Kinoyonon,Berita Pilihan,Kinoyonon,Tawau

kemalangan tawau
TAWAU: Songulun tondu nolohing noiduan ginawo soira korita sinakai dau nakataam pogulu nasambalik kalapas minangalai kotugu songinan tasu id Ralan Sungai Burung-Balong, somok hiti, sosodopon konihab.

Id kinaantakan dilo, asapou rasam jam 4.30 sosodopon, Rhosma Hamid, 61, ih poingirikau id tirikohonon susumakai id toguang noiduan ginawo id tampat kinaantakan sabap nagansip do totobon korita nokomoi.

Papanau miampai songulun poh kawagu poinsakai id tohuri toiso-iso nosindualan id tulu om liou, pinosikap pinaatod kuminaa Walai Pongubatan Tawau montok pokiubatan.

Boyoon Pulis Watas Tawau, Asisten Komisioner Fadil Marsus, minoboros do mantad ponoriukan noilaan tadon kinaantakan koligaganan dilo sabap papanau korita nokomoi mumbal mangalai songinan atsu ih tinalib monigoo.

“Sabap dilo, korita nokomoi nakataam pogulu nasambalik id tisan do ralan om mungui di nagansip pinosoliwan miampai ponguhupan puru bomba om pinaatod id Walai Pongubatan Tawau,” ka disio do hiti.

Kiis dilo soriukon id siriba Seksyen 41 (1) Akta Padsakaian Talun Alun 1987. – BH Online

Apa Komen dan Pendapat Anda

Artikel Berkaitan