Sayang Sabah Facebook

Likes
Sayang Sabah Twitter

11,654

Followers

Sayang Sabah - Portal Berita Negeri Kita

Koonduan mositi onuan kosiwatan sumiliu pomonsoi koputusan

10:52pm 08/03/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

anita
KOTA KINABALU: Tinimungan koonduan id pogun diti mositi onuan do kosiwatan montok mongigit ningkokoton di lobi akawas om kopisudong montok mamagampot rikoton popoburu koonduan id pogun diti.

Montiri Kotundaan Mogigion om Ahal Momoguno, Datuk Hjh. Jainab Ahmad Ayid minoboros do pihotusan koonduan sabaagi pomonsoi koputusan id suang siktor porinta id pogun diti nokoinsiriba 6.8 pihatus mimpuun toun baino piagalon 7.9 pihatus toun nakatalib

“Impohon 30 pihatus dilo okon ko numbur di kaanu manahak waya amu osonong toi ko poporosi ningkokoton do kusai sokiro pointopot mokinongou boboroson do koonduan,” ka disio.

Minoboros isido miagal dilo id Sominar Upuso Tinan Nu, kopihondot Karamaian Tadau Koonduan Sompomogunan 2016, id Wisma Wanita, do hiti di baino.

Boboroson disio pinolombus di Monguhup Montiri Kotundaan Mogigion om Ahal Momoguno Datuk Anita Baranting.

Tumanud di Jainab, Malaysia id tukad tosiriba miampai 56 markah maya analisis om pongintaban Gender Equity Index (GEI) pinalabus do OECD Development Centre toun 2012 piagalon piro-piro pogun do suai miagal Filipina, Thailand, Indonesia om Vietnam.

“Okito tokou om kakal ogumu pingisaman papanahon montok mamagampot rikoton kopiagalan do gender suai ko kotonudan do pogun id meratrifikasi kooturan id nayatan sompomogunan ilo nopo nga momunso toinsanan diskriminasi kumaa koonduan,” ka disio.

Sundung do ingkaa, tumanud disiso, ningkokoton do Malaysia id gontob takawas montok kaganaan balajaran miampai 98 markah om montok pemerkasaan gender om kotonudan id kaganaan ekonomi toiso-iso 31 om 40 markah. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan