Sayang Sabah Facebook

Likes
Sayang Sabah Twitter

11,727

Followers

Sayang Sabah - Portal Berita Negeri Kita

Konvoi 1Malaysia Family Care hiti id Sabah

9:12pm 18/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

konvoi kebajikan
KOTA KINABALU: Soginumu 23,844 Tulun Amu Kohimbogui (OKU) nokorijistor miampai Koupisan Kotorinaan Kotundunan Am (JPKA) Sabah gisom ko-9 Tulan Kotohu toun diti.

Montiri Kotundaan Mogigion om Ahal Momoguno Datuk Jainab Ahmad minoboros do mantad ginumu dilo kiginumu 4,090 OKU nopo nga id watas Kota Kinabalu.

“Montok monulung mongingaan tonggungan tinimungan diti, Porinta Pogun maya JPKA Sabah minangawi kiginumu RM59,730 sombulan montok sakadai kousinan tulanan Skim Sakadai Am montok watas Kota Kinabalu.

“Suai mantad dilo, porinta longkod nga minangawi RM483,300 sombulan montok sakadai Kousinan Tulanan Elaun Pakaraja Amu Kohimbogui Sakadai Kitoruol Noindamaan om OKU Poingiliu om Sakadai Kitoruol OKU Amu Kohimbogui Pakaraja montok watas Kota Kinabalu.

“Mongulud id Longkod Poumoligan Suang Tinimungan (PDK) watas Kota Kinabalu nga nakaanu kosuulan mantad sakadai dino,” ka disido id pason kopotimpuunan Kembara Kotundunan 1Malaysia Nayatan Pogun Sabah id Dewan Kg. Darau Menggatal, somok doiti, di koniab.

Boboroson disido pinolombus di Monunurat Pointatap Komontirian Kotundaan Mogigion om Ahal Momoguno Janet KL Chee.

Minoboros i Jainab, kasasari do porinta maganu tawagat kotundunan tinimungan OKU om manahak hak di taadang miagal do tulun pointantu di suai.

“Saasabap no dilo kaakun oku kopio miampai koinsamakan Koupisan Kotundunan Mogigion Malaysia id suang papanau kembara miaga diti montok manahak kotorinanan id lahan tumilombus kumaa mogigion lolobi noh kopio tinimungan rikoton koupisan,” ka disido.

Minoboos isido, Abaabazan Kembara Kotundunan 1Malaysia papanahon kilinaid do 20 tadau ino nopo nga mantad 11 gisom 19 Tulan Kotohu 2016 id Sarawak, Sabah miampai Labuan om mantad 31 Tulan Kotohu gisom 9 Tulan Kaapat 2016 id Semenanjung Malaysia. – SayangSabah

Apa Komen dan Pendapat Anda

Artikel Berkaitan