Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Konsip ‘Majlis Penasihat’ Dr Mahathir aiso id suang porlambagan: Salleh

3:52pm 12/11/2015 Maryann 2 views Abal Kinoyonon,Kinoyonon,Kota Kinabalu

mahathir salleh
KUALA LUMPUR : Atag bagas luguan montiri Tun Dr Mahathir Mohamad mooi iso kounsil ponasihat momorinta pogun diti aiso id suang poruntukan Porlambagaan Pisompuruan o milo kopisusunsung miampai sistom koporintaan Westminster, ka di Montiri Piromutan om Multimedia Datuk Seri Dr Salleh Said Keruak.

Minoboros ih Salleh do ih Dr Mahathir nokoumbal nokopomusorou konsip kounsil ponasihat porosidin di toun 2008.

“Lobi turu toun nakatalib, isido kakal mongunsob do ilo (kounsil ponasihat) papanahon sundung aiso sistom miagal dilo id suang Porlambagaan toi ko id sistom Koporintaan Westminster,” ka disio id suang blog disio sskeruak.blogspot.com tadau baino.

Minongomi ih Salleh analisis habar iso surat kabar harian boros Inggeris kitulu ‘De facto PM role for Dr M?’ (Peranan PM de facto untuk Dr M?) karait pamalanan di Dr Mahathir monuridong iso kounsil ponasihat montok monasihat di luguan montiri pinili disio.

“Sokiro manu isido kounsil miagal dilo, nokuro tu amu isido monimban doo sistom dilo mamaso isido luguan montiri solinaid 22 toun?,” uhot ka di Salleh. – BERNAMA

Apa Komen dan Pendapat Anda

Artikel Berkaitan