Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Konsert Toun Wagu 2015 nokinsil: DBKK

DBKK-600x367
KOTA KINABALU – Dewan Bandaraya Kota Kinabalu (DBKK) minonginsil Konsert karamaian Toun Wagu 2015 ih pikikiro pohoroon id Lintasan Deasoka ontok tadau ko-31 Tulan Kohopod om Duo diti.
Tumanud Tupisor Piromutan Kogumuan DBKK Syron A.Tunggolou, garai montok karnival bazar nga mangan nogi kinsilo.
Poingkuro poh piro-piro ababayan do suai miagal ‘KK City Healthy Fun Ride’ ontok tadau ko-30 tulan Kohopod om Duo om kotimpuunan ‘My Buskers Corner’ ontok tadau ko-31 tulan Kohopod om Duo diti kakal potilombuson.
“Pokikitanan anti dadah, pomorisaan kolidasan aiso kabayaar, pokikitanan ‘Waste to Wealth’ om kaunter ponorinaan poilihan do korita kakal ukabon kumaa tulun ginumuan ontok tadau ko-31 tulan Kohopod om Duo mantad jaam 8.30 kosuabon gisom 4.30 sosodopon,” ka disio id kointalangan habar.
Ka di Syron, pokikitanan do ‘Buskers’ pohoroon ontok tadau ko-31 tulan Kohopod om Duo mantad jaam ko-8 kosuabon gisom 12 tangaadau.
Minopoilo nogi isido do talun alun id Jalan Bandaran om Jalan Perpustakaan mangan tutubai daamot ontok tadau ko-30 tulan Kohopod om Du mantad jaam 1.30 gisom 5 sosodopon montok ababayan ‘KK City Healthy Fun Ride’ om ontok tadau ko-31 tulan Kohopod om Duo mantad jaam ko-7 kosuabon gisom12.30 tangaadau montok ababayan ‘My Buskers Corner’. – Dii Monica Gidong / SayangSabah

Komen


Berita Berkaitan