Sayang Sabah Facebook

Likes
Sayang Sabah Twitter

11,637

Followers

Sayang Sabah - Portal Berita Negeri Kita

Konsert Kupikupifm nakaanu raramit tosonong

11:41pm 20/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Momolihis

kupi-kupi fm
PENAMPANG: Konsert Kupikupifm ih kumoinsan nogi pinaharo nakaanu raramit tosonong om kopongunsub mantad toinsanan pominat susuminding kinoyonon om mokikinongou sitisin radio dilo.

Lobi 3,000 tutumombului nokorikot minomonu Auditorium KDCA mantad podii jam 6 sosodopon om kosert dilo tinimpuunan miampai pokikitanan mantad susuminding kinoyonon Sabah, miagal dii Marcel Gatisi miampai sinding ‘Kupi-kupi Dulu’ om ‘Saat Berteman’.

Pongurus Ababayan Kupikupifm, Lester Miol minoboros do kosert kumoinsan nogi pinaharo dilo nakaanu minopokito komilaan kinoyonon kosuang susuminding, tinimungan kugiran om panari mantad kolej om longkod seni id Sabah.

“Nopurimanan dahai do haro bakat kinoyonon ih kakal mogihum do kosiwatan popokito komilaan diolo. Kupikupifm mintong do konsert diti sabaagi kosiwatan montok toinsanan susuminding Sabah mogowit potilombus tuunion om popointalang komilaan diolo kumaa mogigion.

“Alansan o Kupikupifm konsert miagal diti nakaanu popointutun om popoingkawas ngaran susuminding kinoyonon id kaganaan pomolihisan Sabah potilombus id nayatan nasional,” ka disio do hiti di konihab.

Wookon susuminding di nakaanu minopokito sinding diolo nga ih Firman miampai tinimungan dau Firmanation; Rich AF om Estranged; susuminding Dusun nointutunan Francis Landong, Clarice John Matha; om suusuminding tangaanak Myra Lily ih nointutunan maya Astro Ceria All Stars.

Suai koi lo posolimbou radion miampai susuminding kinoyonon minopokito pokikitanan id konsert dilo miagal Marcel Gatisi, Heidi Vanessa Maruning, Marlenney, The Janggut, Keydeet Jack, Ridah & Ezani Mes, Malek Nasir, Fabian Williams, Faizul Sany, Marsha Milan, Rimba, Apiang Sausun, Tinimungan Seni Institut Sabah om Tinimungan Penari Kolej Sidma. – Dii Elezebeth Esther/SayangSabah

Apa Komen dan Pendapat Anda

Artikel Berkaitan