Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Komulakan songkosuayan napatai tinobok id pinioduhan

kalabakan
TAWAU: Songulun komulakan songkosuayan i minumbal muhup tambalut sangkaraja’ dau i nakaampai doid pinioduhan napatai soira’ tinobok minomoguno pais id pomuwalaian pakakaraja’ Gunung Rara, Ladang Imbak, Jalan Kalabakan.

I napatai dilo’ ointutunan do i Mahmud Kurniawan, 16, naamot tambalut dau i Isra Kurniawan, 15, nopo nga’ nosindualan om mamaso usapon doid Walai Pongubatan Tagayo Tawau.

I Luguan Pulis Watas ACP Fadil Marsus minoboros, bohogian disio nakaramit ruputan kokomoi kinaantakan dilo’ di kiikiro jaam ko 5 minsusuab konihab.

Ka disio, i notondosan doid kiis dilo’ nopo nga’ songulun songkosuayan kiumur 20 toun om komoyon do nintodonon nopo do ahal dilo’ nga’ otogod i notondosan soira’ di manangaman dau nadapatan do ‘khalwat’ miampai di songulun nogompitan.

Ka di ACP Fadil, i nogompitan napatai soira’ tinobok do induo ilo’ nopo nga’ id liou gibang om gibang tian.

Kiis nokomoi soriukon id sahau Seksyen 302 Kanun Keseksaan om bohogian disio mamaso magasu di natandasan i minogidu’ katalib kinaantakan dilo. – SayangSabah

Komen


Berita Berkaitan