Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Komulakan osomok napatai nokotimbak sondiri

Iti noh ginsok kikotumbayaan ih ginuno. – foto ihsan IPD Keningau
Iti noh ginsok kikotumbayaan ih ginuno. – foto ihsan IPD Keningau

KENINGAU – Songulun komulakan kusai kiumur 15 toun oruhan noh napatai soira nokotimbak tinan sondiri momoguno sinapang winonsoi toi ko ginsok id kabun gatah iso kampong id watas Tambunan, songkosodop.
Boyoon Pulis Watas Deputi Superitendan Douglas Taong minoboros do pogulu naantakan o kinaantakan dilo, ih mungui minongoi id kabun gata nokomoi miampai tolu tambalut dau om minongigit do ginsok.
Ka disio naantakan o kinaantakan dilo soira ih mungui minogulu mantad di tambalut dau. Nokorongou ih tambalut dau tuni nokokobong, kalapas dii, nokito ih mungui poinglatan noponu raha.
“Soira nokokito kowowoyoon dilo, minomolohou yolo tulun kampung montok monulung. Ih mungui noindamaan nosindualan id bohogian turos om tulu, pinaatod id Hospital Queen Elizabeth, Kota Kinabalu montok pongubatan potilombus.
Tumanud ponoriukan, ginsok nopo dilo nga sinanganu molohing dau. Molohing dau amu nokoilo nongoi igitai sinapang nokomoi,” ka disio kumaa maganu habar, di baino.
Kiis dilo soriukon tumanud Seksyen 37 Akta Senjata 1960 ih kopogowit hukuman amu katalib duo toun toi ko adanda amu kolobi RM5,000 toi ko koduo duo dilo. – Dii Kalawon Sawing / SayangSabah

Komen


Berita Berkaitan