Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Komulakan okon ko gobulan nga omurah kopio gaji

11:49pm 20/02/2016 Maryann 2 views Abal Kinoyonon,Berita Pilihan,Kinoyonon,Kota Kinabalu

tawfiq-600x367
KOTA KINABALU: Komulakan pogun diti i rinoitan do gobulan kopio nga okon ko gobulan sabap ogumu id tanga diolo kasangup om mamaso pakaraja id mogisuai-suai siktor.

Montiri Komulakan om Sipoot Sabah Datuk Hj. Tawfiq Datuk Abu Bakar Titingan minoboros do tinimungan komulakan id pogun diti amu songkuro orohian do kumaraja id siktor di korohian kukumaraja songkosuaian sabap omurah kopio gaji.

“Konihab, songulun komulakan kusai minooi ruba doho id Tawau pakaraja sabaagi buruh mokianu sakadai tusin sabap gaji dau RM600 noh sombulan, gaji id siriba komisikinan,” ka disio.

Minoboros isido miagal dilo kumaa maganu habar kalapas minopotimpuun Youth Talent Festival 2016 id University College Sabah Foundation (UCSF), do hiti di baino.

Ka disio, komulakan amu kasangup kumaraja id siktor di poinsuang sabaagi 3D ilo nopo nga koligogon, omurong om osusa sabap gaji di patahakon do majikan amu kosudong di karaja papanahon diolo.

“Miagal id siktor tumau, ogumu komulakan orohian om kasangup do kumaraja id siktor dilo sundung koligogon sabap amahal o gaji,” ka disio.

Sabap dilo, pinokianu disio majikan mooi manahak gaji di kosudong om kopiagal dilo karaja di otoguang kukumaraja siktor nokomoi. – Sayang Sabah

Apa Komen dan Pendapat Anda

Artikel Berkaitan