Sayang Sabah Facebook

Likes
Sayang Sabah Twitter

11,655

Followers

Sayang Sabah - Portal Berita Negeri Kita

Komulakan natandasan manakau id kadai Serbaneka 24 Jam tinahan, songulun ihumon

2:06am 31/12/2015 Maryann 0 views Abal Kinoyonon,Berita Pilihan,Jenayah,Kinoyonon,Kota Kinabalu

remaja ditahan
KOTA KINABALU: Pulis minanahan songulun komulakan kusai kikotumbayaan nakaampai id kiis manakau kadai serbaneka 24 jam id iso ponugkuan id iso walai di Kampung Tanjung Aru Lama, pikikiro jaam 2 sosodopon tadau Koiso nakatalib.

Boyoon Pulis Bandaraya Kota Kinabalu ACP M Chandra minoboros do komulakan kiumur 17 toun dilo kakal id timpu bisara montok duo kiis manakau kadai serbaneka 24 jam, tulan Kaapat nakatalib.

“Asil ponugkuan dilo, naahau nogi pulis piro-piro kakamot kosuang talipaun tiigiton, iso pisau om kantung sasandangon ih ginuno di natandasan mamaso manakau tadau Minggu nakatalib,” ka disio id iso kointalangan do hiti di konihab.

Ka disio, miampai nagakom o komulakan dilo, nointutunan nogi pulis songulun poh kawagu tamalut dau ih kakal poingabas kiumur 17 toun nointutunan sabaagi Ijam mantad Kampung Pondo, Pulau Gaya.

Id kinaantakan dilo, ka dii Chandra koduo-duo komulakan di natandasan minanakau id kadai Api-Api Centre pikikiro jaam 1.45 sosodopon om minonongoi tusin soginumu RM800. – BERNAMA

Apa Komen dan Pendapat Anda

Artikel Berkaitan