Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Komulakan mositi pointalang komilaan id sipoot: Samsudin

9:45pm 24/05/2016 Maryann 0 views Abal Kinoyonon,Berita Pilihan,Kinoyonon,Sandakan,Sipoot

samsudin
SANDAKAN: Tinimungan komulakan toi ko sukod wagu ih orohian om kitoilaan tagayo id kaganaan sipoot mositi pointalang komilaan diolo gisom id nayatan takawas.

Puru Walai Koundangan Pogun Sekong, Datuk Samsudin Yahya minoboros do porinta kasasari posodia om manahak pogintangan dilo kotundaan sipoot id pingisaman palabus lobi ogumu atlit kalantoi ih kaanu poingkawas ngaran do pogun diti.

“Sipoot nopo nga raan kotundaan ih mamaso onuan pogintangan sabap suai ko kaanu poingkawas ngaran pogun diti kaanu mogi manahak kosiwatan kumaa mogigion do lumantoi id kaganaan dilo.

“Kaganaan sipoot nopo nga amu nodii milo sorohon do amu kosuul sabap kaganaan dilo nga kaanu momoruhang pandapatan montok rayat lolobi tinimungan komulakan,” ka disio.

Minoboros isido miagal dilo id ababayan Ponutuban Pialaan Mimbuul 9 Misampaping pinaanjur Koupisan Tolungku Sandakan id Padang Tolungku Sandakan, do hiti di kawawagu.

Nokotindapou nogi ih PPM Sekong Zantapha Zainal Abidin, Puru Kounsil MPS Jaafar Jakaria om puru komiti Bohogian Umno Batu Sapi.

Minoboros ih Samsudin do tinimungna komulakan mositi magahau kosiwatan pointalang komulaan sondiiri sabaagi puru sipoot potilombus mamagampot sigompoton id kaganaan dilo gisom id nayatan sompomogunan. – SayangSabah

Apa Komen dan Pendapat Anda

Artikel Berkaitan