Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Komulakan humontol momoruhang 120,000 puru kawawagu toun diti: Khairy

Khairy Jamaluddin (tanga) id pitimungan habar kalapas minonorikohon Mitingan Komulakan Umno Malaysia kopihondot Pomukiman Komulakan Umno id Kota Kinabalu. - foto Alex Mairin
Khairy Jamaluddin (tanga) id pitimungan habar kalapas minonorikohon Mitingan Komulakan Umno Malaysia kopihondot Pomukiman Komulakan Umno id Kota Kinabalu. – foto Alex Mairin

KOTA KINABALU – Komulakan Umno humontol do momoruhang soginumu 120,000 puru kawawagu toun diti.

Boyoon dau Khairy Jamaluddin, minoboros do ilo nopo nga karaja tagayo toinsanan komulakan id nayatan pogun, bohogian om raan poimpuli Malaysia.

Tumanud disio, mantad 120,000 puru kawawagu dilo, sokiro korikot noh umur diolo 21 toun kotilombus kosiliu pongundi om korijistor id Suruhanjaya Pomilian Tagayo (SPR).

“Iti nopo nga karaja di kosuul kopio montok datokou montok mogintong oruhangan o tutumanud id tinimungan diti om potilombus do mamagayat do tinimungan komulakan moi miampai do Umno, okon ko nopo ko manahak sokodung nga sumiliu puru Umno di aparagat om miampai dotokou toinsanan do sumiliu aktivis,” ka disio kumaa maganu khabar.

Khairy Jamaluddin (wanan) mananud di Boyoon Montiri ih ponogi Ponorikohon Piromutan Umno Pogun, Datuk Seri Musa Aman (duo mantad wanan). - foto Alex Mairin
Khairy Jamaluddin (wanan) mananud di Boyoon Montiri ih ponogi Ponorikohon Piromutan Umno Pogun, Datuk Seri Musa Aman (duo mantad wanan). – foto Alex Mairin

Pogulu dilo, minonorikohon isido Mitingan Komulakan Umno Malaysia kopihondot Pomukiman Komulakan Umno ih pinaharo solinaid tolu tadau mantad podii songkosodop.

Nokotindapou nogi ih Boyoon Komulakan Umno Sabah, Hafiz Yamani Musa om Kumoduo disio, Shahelmy Yahya om boyoon ngawi Komulakan Umno pogun.

Karait mitingan dilo, ka di Khairy, piro-piro ahal oponting pinibabarasan kosuang porsiapan Komulakan tumoguang pomilian tagayo ko-14 abantalan.

“Id pomukiman diti, pinibabarasan tokou nogi ahal porsiapan duo om tolu toun abantalan montok pomilian tagayo. Timpu dilo amu noh alaid, sabap dilo, oporlu tokou haro porsodiaan lobi tosopung,” ka disio. – Dii Sitti Nor Azizah Talata / SayangSabah

Komen


Berita Berkaitan