Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Komulakan apatut mongidu pomusarahan ‘makan gaji’

BELIA
KOTA KINABALU: Komulakan pinosorou mooi mongidu pomusarahan ‘Makan Gaji’ om tumaid poimponu kumaraja miampai porinta.

Montiri Kotundaan Mogigion om Ahal Momoguno Datuk Hajah Jainab Ahmad minoboros do id sambalik dilo komulakan mositi mongukab pomusarahan om osodu pomusarahan.

“Porinta minopoindalan mogisuai-suai ababayan montok komulakan om iso mantad dilo nopo nga Tunas Usahawan Belia Bumiputera (TUBE), ilo nopo nga impohon montok manahak kointalangan kumaa tinimungan karait kaganaan pongindopuan.

“Montok magahau om poingkawas komilaan id pongindopuan, komulakan mositi maangahau kosiwatan diti soira kopupus balajaran om mongidu pomusarahan do tumaid poimponu karaja id koporintaan,” ka disio.

Minoboros isido miagal dilo soira minanahak boboroson id Ababayan Forum Jati Diri om Gemilang Siswa 2016 id Dewan Al-Bukhari Universiti Teknologi Mara, do hiti di baino.

Pinokianu nogi dii Jainab tinimungan komulakan mooi amu kaampai id kowowoyoon amu osonong miagal demonstrasi jalanan, Militan IS om rusuhan ih kaanu manahak waya amu osonong kumaa diolo.- SayangSabah

Komen


Berita Berkaitan