Sayang Sabah Facebook

Likes
Sayang Sabah Twitter

11,658

Followers

Sayang Sabah - Portal Berita Negeri Kita

Komulakan apatut magahau kosiwatan id pongindopuan

12:53am 28/12/2015 Maryann 3 views Abal Kinoyonon,Kinoyonon,Tawau

tawfiq4-600x236TAWAU: Tinimungan komulakan apatut maganu kosiwatan di pinosodia mogisuai-suai puru kosuang puru swasta montok pomogot koposion sondiri id kaganaan pongindopuan.

Montiri Komulakan om Sipoot, Datuk Tawfiq Abu Bakar Titingan minoboros do tonggungan puru swasta lolobi posodia pinsingilaan om kosiwatan kumaraja apatut simbaron poimponu do tinimungan komulakan.

Ka disio komulakan apatut mongidu kowowoyoon di oindamaan opili karaja lolobi karaja ‘makan gaji’ noh nga mositi mingisom momoruhang komilaan mantad puru suai miagal di pinosodia swasta om amu tumaid poimponu kumaa porinta.

Minoboros isido miagal dilo soira minopotimpuun Ababayan Popoingkawas Komulakan Sabah maya Ababayan Pongindopuan Q-Tech id Arena Belia Tawau do hiti.

Nokotindapou nogi ih Potunud Urusan Jadi Juta Group, Dato’ Azizul Tandek, Potunud Urusan Q Tech Dato’ Seri Dr. Aiman Asry Abdullah om Tupisor Komulakan om Sipoot Bohogian Tawau, Jamil Jilap.

Tawfiq ih ponogi Puru Walai Koundangan Pogun Apas alansan lobi ogumu puru swasta sukarela monguhup poingkawas komilaan do tinimungan komulakan om potilombus monulung diolo mogihum karaja. – Sayangsabah

Apa Komen dan Pendapat Anda

Artikel Berkaitan