Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kompleks Kuut Syariah id Sabah monguhup manalasai kiis kasalaan syariah lobi osikap

 Musa Aman (duo mantad wanan) mamaramit replika cek sakadai ababayan Ziarah Marhabbah pogun Sabah soginumu RM980,000 mantad di Ibrahim id ababayan dilo.

Musa Aman (duo mantad wanan) mamaramit replika cek sakadai ababayan Ziarah Marhabbah pogun Sabah soginumu RM980,000 mantad di Ibrahim id ababayan dilo.

KOTA KINABALU – Pamansaian do Kompleks Kuut Syariah di kawawagu id pogun diti kigatang RM63 riong kaanu popoingkawas gontob panalasaian kiis karait kasalaan syariah miampai lobi osikap om kiwaya.
Boyoon Montiri, Datuk Seri Musa Aman minoboros do kompleks kuut syariah dilo pikikiro ponuon do kosukup-sukupan dit kawawagu om manahak kosiwatan kumaa tangaanak kinoyonon di alayak do monuang karaja do hilo.
Ka disio, pamansaian do louting nokomoi pikikiro opongoh toun 2018, ih popokito pingisaman do porinta longkod om pogun popoburu syiar Islam id Sabah.
“Alansan o porinta miampai pamansaian do kompleks kuut syariah kawawagu limo tingkat diti kaanu manahak porkhidmatan goos osonong om kikualiti montok mogigion om nogi manahak kosolisaan om komudahan miagal dilo Kuut Sivil,” ka disio kumaa manganu habar kalapas ababayan pamabakan do tana Kompleks Kuut Syariah Sabah, do hiti.
Nokotindapou nogi ih Kumoduo Boyoon Montiri Datuk Yahya Hussin; Monguhup Montiri id Koupisan Boyoon Montiri Datuk Mohd. Ariffin Arif om Boyoon Potunud ih ponogi Boyoon Hakim Syarie, Koupisan Kohakiman Syariah Malaysia (JKSM), Tan Sri Dr. Ibrahim Lembut.
Id ababayan dilo, Musa lumansan porinta pogun rinamit sakadai luyud om ababayan Ziarah Marhabbah pogun Sabah toiso-iso dilo soginumu RM300,000 om RM980,000 mantad porinta longkod ih pinotunui di Ibrahim. – Dii Sitti Nor Azizah Talata / SayangSabah

Komen


Berita Berkaitan