Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Komiti RCI poinsodia mamaramit atag toi ko pomusarahan toinsanan puru

TAN SRI JOSEPH PAIRIN KITINGAN
TAN SRI JOSEPH PAIRIN KITINGAN

TAWAU – Komiti Karaja montok monorisid suang ruputan Suruhanjaya Ponoriukan Diraja (RCI) karait Modidikot Songkosuaian Aiso Kasagaan (PATI) id Sabah poinsodia mamaramit atag montok manalasai ahal dilo, ka di Ponorikohon dau, Tan Sri Joseph Pairin Kitingan.

Pairin ih ponogi Kumoduo Boyoon Montiri Sabah minoboros do romiton diolo nunu nopo atag mantad mogisuai suai puru misosongulun toi ko kotinanan okon ko porinta (NGO) om paati pulitik.

“Mangan dahai (Komiti Karaja) timungo toinsanan atag dilo om sokiro do kangaam, milo dahai gunaon montok monguhup manalasai kobolihangkangan PATI id pogun diti.

“Tantu noh do ogumu kosuulan di aanu tokou mantad atag ngawi di pinatahak do puru suai. Sabap dilo alansan oku haro puru kaanu manahak do atag toi ko pomusarahan di tosonong kumaa komiti diti,” ka disio kumaa maganu habar kalapas ababayan walai poingukab Toun Wagu Sina Parlimen Tawau.

Tumanud di Pairin, iso mantad hontolon minonuridong do komiti karaja dilo, nga montok monimung toinsanan kointalanga om atag mantad mogisuai-suai puru montok manalasai kobolihangkangan korikatan PATI id Sabah.

“Alansan oku komiti diti kaanu manahak sumbangan tagayo kumaa id panalassaian ahal nokomoi … alansan nogi yahai moi toinsanan mogigion id pogun diti kaanu miiso ginawo om miangkawot do longon do mogihum ralan panalasaian tosonong,” ka disio. – Bernama

Komen


Berita Berkaitan