Sayang Sabah Facebook

Likes
Sayang Sabah Twitter

11,643

Followers

Sayang Sabah - Portal Berita Negeri Kita

Komander Esscom kawawagu mingisom potilombus mogintong koumoligan id Esszone

4:48pm 27/12/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

esscom-dokumen
KOTA KINABALU: Komander Kinoyonon Koumoligan Poimbida Tisan Kosilahon Sabah (Esscom) ih kawawagu, Datuk Wan Abdul Bari Wan Abdul Khalid, mingisom montok potilombus pingisaman mangantob kasalaan dumarapas piolitan id Sabah.

Wan Abdul Bari minoboros do montok mogintong kopio koumoligan id pogun diti lolobi id Kinoyonon Zon Atampasi Kosilahon Sabah (Esszone) kasasari ajamin om mogintong kopio kaamanan om kodaulatan pogun diti potilombus atamangan.

Bagas Boyoon Koupisan Ketenteraman Awam/ Boyoon Trafik Pogun Kuala Lumpur dilo minoboros do toinsanan pingisaman di pinapanau do Komander Esscom pogulu diti ih Datuk Abdul Rashid Harun nga mangan potilombuso suai ko papaharo piro-piro ponginsanangan.

“Iti nopo nga ahal koubasanan. Sabaagi komander, sundung do misi tokou miagal montok patantu koumoligan om suai poh nga ponginsamakan (misuai), toiso-iso dotokou haro karalanon sondiri,” ka disio kumaa maganu habar kalapas ababayan patahak mamaramit karaja komander do hiti di tadau Kaapat nakatalib.

Wan Abdul Bari, 58, minoboros do nokoumbal isido pakaraja id Lahad Datu di toun 1980 suai ko nokoumbal pakaraja id Tinimungan Polis Gouton (do babaino nointutunan sabaagi Tinimungan Gerakan Am) toun 1977 gisom 1985 id suang sumaap do gerila. – BERNAMA

Apa Komen dan Pendapat Anda

Artikel Berkaitan