Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kolidasan rayat pogun diti popotongob: Tawfiq

Tawfiq Abu Bakar Titingan (duo mantad gibang) popokito buuk sabagii pongitanan kotimpuunan ababayan dilo. - foto Masani Sandan
Tawfiq Abu Bakar Titingan (duo mantad gibang) popokito buuk sabagii pongitanan kotimpuunan ababayan dilo. – foto Masani Sandan

TAWAU – Ruputan Komontirian Kolidasan Malaysia (KKM) maya Lombaga Kopoilaan Kolidasan mantad toun 2013 gisom 2017 minopokito pikikiro soginumu 26 riong rayat pogun diti kotoguang diabitis, 5.8 riong (asaat o raha), 6.2 riong (kolestrol) om 2.5 riong obisiti.

Montiri Komulakan om Sipoot Datuk Tawfiq Abu Bakar Titingan minoboros do mantad pongintaban dilo popokito kaangayan kolidasan rayat pogun diti ih popotongob.

Ka disio om sokiro amu tonudon kawawayaon koposion id kolidasan osonong mantad baino, poporugi nopo pogun sabap okurian kukumaraja di olidas.

Sabap dilo mokianu isido kumaa mogigion moi lobi madtamong kolidasan om pangakan akanan di olidas moi kaanu papalabus kukumaraja dit osonong id suang papalantoi pogun diti.

“Pongintaban diti poporugi pogun, sabap dilo toinsanan dotokou apatut mangadang nunu aakanon tokou om karaja. Mogigion pogun diti nokorikot noh 30 riong, orugi tokou sokiro ogumu tulun amu olidas om sasabap aiso tadon kukumaraja, asansagan tokou maganu pakaraja mantad labus pogun,” ka disio.

Minoboros isido miagal dolo soira manahak boboroson id ababayan “Seminar Gula Itu Racun dan Pelancaran Buku 4 Rahsia Untuk Kembali Muda dan Sihat Sepanjang Hayat” id Auditorium Perpustakaan Wilayah Tawau, hiti di baino. – Dii Masani Sandan / SayangSabah

Komen


Berita Berkaitan