Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kolej SIDMA minaganu laang manalasai kobolihangkangan PTPTN

KOTA KINABALU – montok popoingkawas ababayan balajaran dau, Kolej SIDMA pikikiro monimban do polisi om popointutun karalanon kawawagu ih kaanu manahak waya tosonong kumaa kolej dilo.

Ponorikohon dau Prof. Dr. Morni Kombri minoboros do laang dilo apatut montok mogintong kopio kotilombus o kolej dilo id kaganaan balajaran.

“Piro-piro ponimbaan do polisi pikikiro kaanu manahak waya tosonong kumaa siktor balajaran lolobi karait pongingkurian Kotinanan Tabung Balajaran Takawas Nasional (PTPTN),” ka disio soira rinuba id ababayan pirubaan monikid tulan kukumaraja om pamaramaian Toun Wagu Sina Kolej SIDMA, do hiti.

Tumanud di Dr. Morni, piro-piro ababayan kawawagu mangan pointutuno toun diti ih pinapanau miampai ponguhupan do Universiti Tun Abdul Razak (UniTAR) om piro piro kotinanan korporat di suai.

Ka disio, Kolej SIDMA nga manahak nogi tumpuan do maganu susumikul kawawagu montok kosuangan tulan Koduo diti montok ababayan Diploma Pongurusan, Diploma Baajaran Tosopung Tangaanak, Ijazah Sarjana Muda Pongurusan, Ijazah Sarjana Muda Pongurusan Pongindopuan, Ijazah Sarjana Muda Pongurusan Hospitaliti om Pongurusan Pantabiran Pongindopuan. Porijistaan ukabon gisom tadau ko-22 tulan Kotolu diti. – SayangSabah

Komen


Berita Berkaitan