Sayang Sabah Facebook

Likes
Sayang Sabah Twitter

11,645

Followers

Sayang Sabah - Portal Berita Negeri Kita

Kolab Sipoot Permotoran mongunsub papanau koposion tolidas

2:18pm 02/05/2016 Maryann 0 views Abal Kinoyonon,Berita Pilihan,Kinoyonon,Tawau

tawfiq-1-600x366
TAWAU : Ponuridangan Kolab Sipoot Permotoran id pogun diti nakaanu monguhup papagaan karaja do Komontirian Komulakan om Sipoot (KBS) Sabah mongunsub tinimungan komulakan do mintingubas koposion tolidas.

Montiri dau Datuk Tawfiq Abu Bakar Titingan ih manahak sokodung poimponu kumaa ponuridangan do kolab dilo id pogun diti minoboros do ahal diti nokito osonong kopio sabap sipoot permotoran nopo nga kororohian kopio tinimungan komulakan.

Ka disio, kolab di tinuridong dilo aanu gunoon sabaagi wayaan do popointalang koubasanan koposion tolidas miampai mongubasanan pangakanan di miadang om monguyat tinan kumaa palabus tinimungan komulakan di olidas om oporokis.

“Otumbayaan oku maya ponuridangan do kolab diti kaanu poimbulai kowowoyoon di tosonong,” ka disio.

Tawfiq ih ponogi Puru Walai Koundangan Pogun Apas minoboros miagal dilo soir aminanahak boboroson id Ababayan Kopongukaban Kolab Sipoot Generasi Permotoran Sejagat (GPS) ih haro 98 tulun tutumanud, do hiti totuong tadau Minggu.

Minoboros isido ponuridangan kolab dilo nga kaanu silihon sabaagi impohon montok tinimungna komulakan mogiamung among potilmbus poingkawas pirotian karait tonggungan kumaa paganakan, mogigion om pogun.

“Maya kolab diti, okon nopo ko kaanu popiiso tinimungan komulakan miuhup do kororohian diolo nga lobi kosuul kaanu mangantob diolo kaampai id karaja di amu osonong miagal pigusaan aiso kasagaan om kasalaan momoguno dadah,” ka disio. – BERNAMA

Apa Komen dan Pendapat Anda

Artikel Berkaitan