Sayang Sabah Facebook

Likes
Sayang Sabah Twitter

11,674

Followers

Sayang Sabah - Portal Berita Negeri Kita

Koisaan Alumni UiTM paharo ramai makan Totuong Amal

12:38am 17/03/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

uitm
KOTA KINABALU: Koisaan Alumni Univositi Teknologi Mara (UiTM) Sabah papaharo Ramai Makan Totuong Amal montok monimung sakadai Tabung Balajaran koisaan dilo ontok ko 2 Tulan Kaapat diti, id Grand Ballroom, Magellan Sutera.

Ramai dino pikikiro poimogonon di Boyoon Montiri Sabah sabaagi Monontuduk Koisaan dino, Datuk Seri Musa Aman.

Yang Dipertua Koisaan Alumni UiTM Sabah nogi Montiri Kotombuluian, Koubasanan om Sandad osorili Datuk Masidi Manjun minoboros do ramai dilo kiangkab monimung sakadai montok patahakon kumaa tinimungan susumikul di amu songkuro taangayan maya Tabung Balajaran Koisaan Alumni dino.

“Sakadai di otimung poopion id suang iso akaun amanah i torinaon miampai Alumni om Ponorina UiTM sabah montok susumikul di kipotutan,” ka disido id pitimbungakan abal karait Ramai Makan Totuong Amal Alumi UiTM Sabah 2016, id doiti di tadau Koduo.

Minoboros i Masidi, id ralan toinsanan susumikul UiTM mantad Sabah monorimo sakadai PTPTN ontok suminuang univositi.

“Sistom balajaran dotokou id univositi suai, songira sosongulun susumikul kasait (au kalantoi) id iso mato balajaran, iyolo kakal kaanu potilombus balajaran nga PTPTN diolo asansagan potingkodon daamot gisom katalib iyolo kinawas di pokionuon,” ka disido.

Minoboos isido, susumikul (mantad paganakan moskin) i nokotoguang kobolihangkangan dino tulungon miampai mambarai balajaran ontok pangalasan PTPTN diolo otingkadan.

“Rikoton tokou nopo nga tinimungan susumikul dino, tu songira iyolo amu kalantoi id suang iso mato balajaran, PTPTN diolo nga otingkadan … aiso usin disido montok mambarai yuran balajaran, om isido dilo kakal kiangkab balajar om haro taangayan montok lumantoi.

“Mantad dino, tulungonn tokou iyolo montok mongintong kalantoi om kopongiwagu do PTPTN i tuturus potilombus balajaran kumaa nayatan takawas,” ka disio.

Gisom baino diti ogumu tinimungan bagas susumikul graduan timpu 1970 om 1980an mantad Semenanjung, Sabah, Sarawak om Brunei nakaanu kapadagangan meja montok ‘misompuru’ miampai mumpayat id ramai diti, ka disido.

Gatang do meja nopo nga RM1,000, RM1,500, RM3,000 om RM5,000 (toi ko gatang potitikid nopo nga RM100, RM150, RM300 om RM500). Tadau kolimpupuson kopomolian nopo nga ontok ko 28 Tulan Kotolu diti.

Kointalangan om kopomolian do meja, romuto ih Samsuddin Mohd Amin (019-841 0777), Sazali Md Salleh (013-851 0369), Awang Amdan SM Darus (011- 2520 2998), Rosmini Simin (088-326482) om Francesca Lydia Chipli (088-232121). – SayangSabah

Apa Komen dan Pendapat Anda

Artikel Berkaitan