Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kointalangan ‘bondira topurak’ id Tanduo apatut potopoton: Komander Esscom

Abdul Rashid (gibang) popotuduk kinoyonon pinisaapan. – foto Masani Sandan
Abdul Rashid (gibang) popotuduk kinoyonon pinisaapan. – foto Masani Sandan

LAHAD DATU – Puru Kinoyonon Kotungoligan Poimbida Tisan Kosilahon Sabah (Esscom) minongolim kointalangan ‘bondira opurak’ nopo kaka nga nintodonon kinaantakan pinisaapan di tadau ko-1 tulan Kotolu duo toun nakatalib id Tanduo ih minoporundun puru kotungoligan VAT69.

Komander Esscom, Datuk Abd. Rashid Harun minoboros do ahal dilo apatut mangan posuundo pointopot sabap nunu ih naantakan id timpu dilo nopo nga sontinimungan puru kotungoligan monungolig tinan sondiri kalapas minogulu ih pangganas Sulu suminaap diolo.

“Kointalangan toi ko susuian karait ‘bondiri topurakk’ dilo aiso ih om okon ko iyati minonimpuun suminaap nga ih panganas Sulu minogulu minonimbak soira nokoruba om nokokito puru dotokou,” ka disio.

Minoboros isido miagal dilo kumaa maganu habar kalapas Ababayan Tombului Esscom Miampai maganu habar id Tanduo, do hiti.

Id ababayan dilo, nokorikot nogi ih Boyoon Tupisor Eksekutif Esscom, Ruji Ubi.

Tumanud disio, kointalangan miagal dilo apatut potopoton sabap kaanu manahak waya okon nopo ko kumaa puru di nakaampai id kinaantakan dilo nga kumaa toinsanan tinimungan kotungoligan VAT69, ih kaagal-agal popokito kalamakan tinimungan kotungoligan pogun amu momoguno taktik soira tumoguang kowowoyoon koligogon miagal dilo.

Ka disio, toiso-iso tinimungan kotungoligan haro taktik toi ko karalanon sondoro om okon ko sambarangan miagal di pinosorita, amu intobon tinimungan elit toi ko okon. – Dii Masani Sandan / SayangSabah

Komen


Berita Berkaitan