Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Koingoritan di Mikail nakaanu kosianan puru kitonggungan

mikail
MENUMBOK – Kinoingoritan di Mikail Rafiqi Mohd Ardy, 4, ih amu kokito om amu songkuro miagal tangaanak do suai sabap ‘Cerebral Palsy, mantad di nosusu nogi, nakaanu kosianan puru kitonggungan.
Puru Parlimen Beaufort Datuk Azizah Mohd Dun minopotunui korusi roda poimbida montok di Mikail om nogi kakamot dapur soira minongoi tombului id walai molohing tanak dilo id Kampung Seberang, hiti di baino.
Tumanud tina di Mikail, Sumarni Lahilo, 30, Mikail nopo nga tanak kotolu mantad apat mogiobpinai amu milo mimboros, mirikau toi ko mamanau om soira haro pokionuon lolobi louson, mingrongi noh.
“Sokiro mirikau nga mangan poh poirikohono miampai todulon o likud dau om koirikau nogi. Paakanon dahai nga bubur, susu om waig no aakan dau sabap amu milo monolon miagal tangaanak suai.
“Kosian-sian kaagu sabap tanak ku diti amu atarang o tokito om iti noh katamba koingoritan dau,” ka disio.
Daamot dilo ka di Azizah ih ponogi Kumoduo Montiri Kotundaan Koonduan, Paganakan om Mogigion, kotombuluian dilo nopo nga ababayan kobajikan Parlimen Beaufort montok monokodung tinimungan di momorlu.
“Ababayan miagal diti mangan potilombuso poompus toun kosuang nogi panahakan sakadai kumaa tulun mosikin, molohing-lohing, Tulun Amu Songkuro (OKU) om tangaanak aiso molohing,” ka disio. – Dii Aryan De Vera / SayangSabah

Komen


Berita Berkaitan