Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kodaulatan id Sabah apatut tamangan monikid timpu: Ahmad Zahid

zahid
KOTA KINABALU: Pomogunan om kowoigan Sabah apatut tamangan monikid timpu mantad soruangon kuasa songkosuaian, ka do Kumoduo Luguan Montiri Datuk Seri Dr Ahmad Zahid Hamidi.

Minoboros isido do ahal dilo kosuul montok madtamong kodaulatan om kosuulon Sabah om pogun id suai mogisuai-suai ahal.

Tumanud disio, kinaantakan ponoruangan id Lahad Datu ontok tulan Koduo 2013 apatut silihon pongitanan kumaa rayat mooi miiso sumaap mogisuai-suai ponoruangan.

“Ilo noh sabap ku do tumongob sokiro haro kuasa tagayo ih mintong do otuntutan (montok toiso-iso kinoyonon) tumanud susuian nopo om okon ko puru UNCLOS (Konvensyen Bangsa-Bangsa Bersatu karait Undang-undang Rahat), amu mongiktiraf ‘nine-dash line’ (kinoyonon tuntutan id Rahat China Selatan), om amu mongiktiraf 200 batu nautika sabaagi Zon Ekonomi Eksklusif (EEZ) hombo-hombo pogun.

“Kodaulatan kowoigan pogun tokou id EEZ mositi tamangan. Mada tokou asil pogun tokou igitan (ahawon) diolo (pogun suai),” ka disio soira minanahak boboroson id kopotimpuunan Pisidangan Lalansanon Tounan Paati Bersatu Sabah (PBS) Ko-30, do hiti.

Ahmad Zahid minoposorou kumaa rayat id Sabah om nogi Sarawak mooi amu pologos tana om kowoigan akasou sabap faktor ekonomi.

Karait moidikot songkosuaian aiso kasagan (PATI) id Sabah, ka disio, ponuridangan Suruhanjaya Diraja montok monoriuk ahal dilo amu nohimatak.

“Intangan ku kopio laang komiti tiknikal om komiti induk (montok manalasai pongurusan tulun songkosuaian id Sabah) kaanu papanau karaja di pinatahak,” ka disio. – BERNAMA

Komen


Berita Berkaitan