Sayang Sabah Facebook

Likes
Sayang Sabah Twitter

11,732

Followers

Sayang Sabah - Portal Berita Negeri Kita

Kobolihangkangan tana wookon tadon nakalambat pamansaian MRSM: Ismail Sabri

9:49pm 29/02/2016 Maryann 0 views Abal Kinoyonon,Kinoyonon,Kota Kinabalu

mrsm
KOTA KINABALU: Montiri Koundaan Labus Kakadaian om Wilayah Datuk Seri Ismail Sabri Yaakob minoboros do kobolihangkangan maganu tapak toi ko tana nopo nga wookon tadon pamansaian piro-piro tinan Maktab Rendah Sains Mara (MRSM) id piro-piro pogun diti nokotoguang kinalambaton.

Sabap dilo ka disio, soira Komontirian dau minopoilo pamansaian toiso-iso MRSM, okon ko kirati tuturus papanahon sabap oporlu ilo tumalib moisuai-suai porosis kosuang posodiaan tapak toi ko tana ih mositi apalaion mantad puru porinta pogun.

“Toun nakatalib, pinoumum ku MRSM Integrasi id Labuan sabaagi pongitanan. MRSM Integrasi diti nopo nga susumikul mantad Semenanjung, Sabah om Sarawak nga gisom baino, iyolo kakal mokianu tana,” ka disio.

Minoboros isido miagal dilo kumaa maganu habar kalapas minapatahak tutungkap Khidmat Cemerlang kumaa 233 tupisor om kukumaraja agensi ngawi id siriba KKLW nayatan pogun Sabah om Labuan do hiti di baino.

Toun diti soginumu 2,976 nakaramit do APC id siriba KKLW poimpuli pogun.

Ka disio id timpu diti, porinta kaanu momonsoi tolu gisom apat MRSM sontoun nga pamansaian miagal dilo milo posikapon sokiro haro kumponi karait koporintaan (GLC) toi ko koporintaa pogun do sukarela momonsoi komudahan dilo.

Miagal pamansaian MRSM id Ranau, Sabah om id Bintulu, Sarawak nakaanu pinapanau lobi osikap sabap koduo-duo dau winonsoi do Petronas om GLC. – BERNAMA

Apa Komen dan Pendapat Anda

Artikel Berkaitan