Sayang Sabah Facebook

Likes
Sayang Sabah Twitter

11,727

Followers

Sayang Sabah - Portal Berita Negeri Kita

Klip video GST kitulu “Kenapa Tak Tanya” pinotimpuun

10:54pm 11/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

lagu gst
KOTA KINABALU: Iso klip video sinding karait sukai kakamot om porkhidmatan (GST) kitulu “Kenapa Tak Tanya” pinotimpuun id iso ababayan pinaharo id Kompleks Bersepadu Komontirian Piromutan om Multimedia (KKMM), kosuabon baino.

Montiri Porinta Kinoyonon om Pomuwalaian Datuk Seri Panglima Hj. Hajiji Haji Noor minoboros do kopotimpuunan do klip dilo kituruan manahak pongitanan di pointalang karait kinopoindalanan do GST.

“Alansan oku rayat lolobi momoguno om tinimungan sukod wagu lobi karati kinopoindalanan do GST om kosuulon dau kumaa rayat om pogun,” ka disio.

Minoboros isido miagal dilo soira minobi di Boyoon Montiri Sabah Datuk Seri Panglima Musa Hj. Aman, id ababayan dilo.

Ka disio, GST nopo nga iso laang do porinta monusun om monginsonong sistom porsukaian pogun mooi lobi kiwaya om mangalai aantakan o sukai poinlisok toi ko milapis.

Daamot dilo Montiri Kotundaan Mogigion om Ahal Momoguno Datuk Hajah Jainab Hj. Ahmad Ayid minoboros do sokiro pinoindalan o GST tumanud kooturan di pinatatap om sokiro piagalon sukai pogulu diti apatut daa lobi osiriba o sukai om gatang kakamot apatut daa lobi omurah.

“Kasasari tokou papanau pogintangan montok manalasai mongindapu di tumomod poingkawas gatang babarang padagangon diolo,” ka disio. – SayangSabah

Apa Komen dan Pendapat Anda

Artikel Berkaitan