Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

KKR mandad ruputan kinaraagan 4 aset tagayo porinta

ROSNAH-KB

KOTA BELUD – Komontirian Karaja Tagayo (KKR) mamaso monorisid apat aset tagayo do porinta, ilo nopo nga talun-alun, rabas, bangunan om sunsuyon ih naraag sasabap luyud id piro-piro watas pogun diti montok insanangan do porinta.

Kumoduo Montiri dau, Datuk Rosnah Abdul Rashid Shirlin minoboros, do babaino diti kakal poh aiso kointalangan mantad kinoyonon nohompitan do luyud nga otumbayaan isido do ruputan dilo aanu id timpu oruhai.

“Kakal tokou poh magandad ruputan dilo, pikikiro doti kaanu tokou ruputan kalapas pasca luyud,” ka disio soira rinomut do maganu khabar kalapas tombului kumaa tulun nohompitan do luyud montok lumansan Kounsil Momuruan Tun Fatimah (MIFTAH) miampai Universiti Malaysia Sabah om Puteri UMNO pogun.

Id ababayan dilo minopotunui isido sakadai kumaa mogigion ih naantakan do luyud id watas diti.

Ka di Rosnah prosedur operasi standard (SOP) id siriba komontirian nopo dilo nga monilai kinaragaan do toinsanan talun-alun pisompuruan gagama luyud id piro-piro pogun id Sememanjung do babaino diti osonong kapanahan.

Daamot dilo, duo mantad tolu longkod poundolihan daamot id watas diti sinompon sabap kowowoyoon do luyud nga nokosurut-surut noh om sombohogian mogigion kampung dii naantakan do luyud ginumuli id walai diolo sondiri. – Dii Aryan De Vera / SayangSabah

Komen


Berita Berkaitan