Sayang Sabah Facebook

Likes
Sayang Sabah Twitter

11,734

Followers

Sayang Sabah - Portal Berita Negeri Kita

KKMM mamalan momonsoi manara pamancar telekomunikasi id Ralan Magayo Pan Borneo

10:27pm 29/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

rumah panjang
SIBU: Komontirian Piromutan om Multimedia (KKMM) pikikiro momonsoi pamalanan poimpuli do momonsoi manara pamancar telekomunikasi poompus Ralan Magayo Pan Borneo.

Montiri dau Datuk Seri Dr Salleh Said Keruak minoboros do pamansaian do ralan magayo dilo iso porojik tagayo do porinta ih kaanu poingkawas ikonomi id poompus talun alun nokomoi.

“Ih tokou id nayatan komontirian pikikiro momonsoi pamalanan poimpuli karait pamansaian do manara (pemancar telekomunikasi) montok patantu kopio kinoyonon id posorili ralan magayo dilo kaanu momurimon do komudahan internet miagal id kinoyonon kakadaian.

“Komontirian amu poh kaanu mongintob piro ginumu manara di mangan wonsoio sabap projik ralan magayo dilo kakal id nayatan kopotimpuunan, ka disio id ababayan momuruan miampai rayat id Rumah Kubu, Skim Poiyanan Kawagu Nanga Tada, Kanowit, di tadau baino.

Kinoyonon nopo dilo nga poinsuang id tirikohonon Walai Koundangan Pogun (DUN) Ngemah.

Minoboros ih Salleh do nokotombului isido id piro-piro kinoyonon id pogun diti om nokorongou rungutan mantad rayat karait kobolihangkangan internet.

Sabap dilo, sinuhu disio tupisor dau montok mogintong om mongintutun ralan manalasai di pinolombus do rayat.

Miagal id tampat ngawi do suai, minoboros ih Salleh do kotombuluian disio id Rumah Kubu tadau baino nopo nga montok pointalang impohon ngawi porinta longkod om pogun om pingisaman ngawi di pinointutun di Luguan Montiri Datuk Seri Najib Tun Razak.

Minoboros isido do, iti nopo nga montok mangalai koborulongon do rayat sasabap titondos ngawi puru pointantu ih kituduan pulitik noh. – BERNAMA

Apa Komen dan Pendapat Anda

Artikel Berkaitan