Sayang Sabah Facebook

Likes
Sayang Sabah Twitter

11,800

Followers

Sayang Sabah - Portal Berita Negeri Kita

KKCCI tumilombus monguhup porinta potunda Sabah

10:42pm 15/02/2016 Maryann 3 views Abal Kinoyonon,Kinoyonon,Kota Kinabalu

kkcci
KOTA KINABALU: Kota Kinabalu Chinese Chamber of Commerce and Industry (KKCCI) tumilombus manahak ponguhupan om monokodung porinta pogun montok potunda pogun diti.

Porosidin KKCCI Datuk Michael Lui Yen Sang minoboros do puru disio kasasari mongunsub do rayat lolobi mogigion Sina id pogun diti do tumilombus manahak sokodung om ponguhupan kumaa porinta montok tumoguang mogisuai-suai pogumbalan timpu diti.

“KKCCI kasasari koilo kobolihangkangan toi ko ahal kapaampai mogigion om tumilombus miuhup montok potunda om nogi manalasai kobolihangkangan dilo montok kosuulan toinsanan,” ka disio.

Minoboros isido miagal dilo soira minanahak boboroson id ababayan id Dewan Hakka Tanjung Lipat kosodop.

Minopolombus nogi isido kounsikahan kumaa porinta pogun sabap manahak sokodung om sakadai montok kotundaan sikul, tokong om kopoindalanan ababayan mogigion Sina id pogun diti.

“Mongunsikou tokou nogi kumaa porinta pogun sabap minomili dii Datuk Yeo Boon Hai sabaagi mayor tinaru Sina kumoinsan nogi id Kakadaian diti,” ka disio. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan