Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kitoruol tundundu noiduan ginawo id koligaganan

ambulans
SANDAKAN: Songulun kitoruol tundunduu noiduan ginawo sasabap noindamaan nosindualan id tulu om apat di suai id suang ambulans nosindualan id koligaganan id Batu 10, Jalan Labuk do hiti.

Boyoon Pulis Watas Sandakan, ACP Zabidi Md Zain minoboros do mungui nointutunan sabaagi Awang Ali Amat, 65, noiduan ginawo pikikiro jam 2.30 sosodopon sasabap kinosundualan di noindamaan id tulu ontok mamaso usapon id wad taabo-abpo.

Mantad ruputan tosopung, noilaan do koligaganan pikikiro jam 10.45 kosuabon dilo naantakan soira papanau ambulans mumba papaaliu pamanahan suminuang kuminaa gibang montok momoting iso korita Perodua Viva id toguang.

Nga nokotilombus ponong gibang om amu naanu minamagaga om nokotugu tisan parit pogulu nasambalik, papanau Perodua Viva nga mimbal minooi id pamanahan di pointanud.

Ambulans dilo mantad Walai Pongubatan Duchess of Kent Sandakan kumaa id Walai Pongubatan Queen Elizabeth Kota Kinabalu montok papaatod di mungui kitoruol tundu undu.

Songulun dokutur tondu I minananud di kitoruol dilo id suang ambulan nga nokotoguang kosindualan id tinan om gakid di notipu.

Kiis dilo soriukon id siriba Seksyen 41(1) Akta Padsakaian Talun Alun 1987. – Dii AA / SayangSabah

Komen


Berita Berkaitan