Sayang Sabah Facebook

Likes
Sayang Sabah Twitter

11,728

Followers

Sayang Sabah - Portal Berita Negeri Kita

Kinosimbanon Tongus Monsun tadon do rasam om ribut

10:29pm 25/03/2016 Maryann 0 views Abal Kinoyonon,Kinoyonon,Kota Kinabalu

ribut-petir-600x450
KUALA LUMPUR: Rasam om ribut kodumaat ih naantakan id piro-piro kinoyonon id timpu pogun diti mamaso nokotoguang kowowoyoon talasu gisom baino nopo nga sasabap kinosimbanon toi ko kinoundolihan do tongus monsoon kosilahon rahat om kotonobon daya.

Kumoduo Boyoon Monunurat (Sains) Komontirian Sains, Tiknologi om Inovasi, Profesor Madya Dr Ramzah Dambul minoboros do kowowoyoon dilo naantakan sabap longkod pinirubaan tongus id Khatulistiwa ih nointutunan sabaagi ‘intertropical convergent zone’ nakaanu minomonsoi tawan om minoposoliwan do rasam om nogi ribut kodumaat.

“Mimang kowowoyoon do El Nino om timpu okoring pikikiro aantakan gisom tulan Koonom diti. Nga do babaino naantakan kinoundolihan tongus monsun kosilahon rahat nokoolon kumaa tongus monsun kotonobon daya ih koubasanan sabap kowowoyoon tongus di amu aadang.

“Id timpu dilo, tongus monsuk kosilahon rahat om kotonobon daya mimpuun noh mundaliu miagal nokoimbulai o pinirubaan duo tongus om kowowoyoon Malaysia id tanga-tanga poinsomok garisan khatulistiwa nga nokotoguang rasam miampai ribut kodumaat,” ka disio kumaa Bernama.

Tumanud disio, kinoundolihan do tongus monsun kapaampai toinsanan kinoyonon di pikikiro aantakan id pialatan tolu gisom apat minggu gisom porosis transisi opupusan. – BERNAMA

Apa Komen dan Pendapat Anda

Artikel Berkaitan