Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Kinopourutan maganu kukumaraja songkosuaian, laang pointopot: Radin

11:46pm 20/02/2016 Maryann 3 views Abal Kinoyonon,Keningau,Kinoyonon

radin
TENOM: Koputusan porinta pisompuruan do pourut pogonuan kukumaraja songkosuaian kosuang mantad Bangladesh id pogun diti nopo nga laang pointopot montok monungolig kosuulon rayat kinoyonon.

Montiri Kotundaan Labus Kakadaian Sabah, Datuk Radin Malleh minoboros do ahal diti popokito poingukab o porinta mamaramit nunu ih binoros om pomusarahan do rayat.

“Rayat amu apatut oimbayat dilo mogisuai-suai kointalangan amu otopot ih pinosibar do tulun aiso tonggungan montok momiraag ngaran do porinta,” ka disio.

Tumanud disio, ahal karait kukumaraja songkosuaian okon nopo ko otoguang do Malaysia nga aantakan nogi id pogun ngawi suai.

Id ahal diti, ka disio, rayat lolobi komulakan kinoyonon mositi haro kowowoyoon tosonong om aparu miala monuang mogisuai-suai kosiwatan karaja ih haro id pogun diti.

Radin ih ponogi Adun Melalap minoboros miagal dilo soira minopotimpuun Ababayan Ponikidan Bantuan Rakyat 1Malaysia (BR1M) montok toun 2016 id Dewan Datuk Seri Antenom, Tenom.

Soginumu 1405 tulun watas Tenom om watas tokoro Kemabong nakaramit do BR1M ih nulud do Tupis Watas Tenom miampai ponguhupan Bank Simpanan Nasional. – SayangSabah

Apa Komen dan Pendapat Anda

Artikel Berkaitan