Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kinomogoton kotungoligan manahak kosonongon karaja pongindopuan id Esszone

Esszone-25
TAWAU : Kowowoyoon kotungoligan id Zon Atampasi Kosilahon Sabah (Esszone) nokomogot nodi mantad nokotimpuun ponuhuan moguung id kinoyonon dilo di tulan Koturu toun nakatalib, ka di Ponorikohon Kounsil Pongindopuan Kinoyonon Kotundaan Asean Timur Brunei-Indonesia-Malaysia-Filipina (BIMP EAGA), Datuk Roselan Johar Mohamed.

Minoboros isido do kowowoyoon dilo mogowit kosonongon kumaa pongindopuan lolobi id kaganaan kotombuluian id Esszone om kogumuan dilo mongusaha kotombuluian lumansan do potilombuson ilo ponuhuan moguung.

“Sabagii pongitanan, do baino diti tutumombului id Semporna kopuriman do lobi otungolig om amu nodi mosirosi mamanau hombo nopo sabap haro pulis mantad Kinoyonon Kotungoligan Poimbida Tisan Kosilahon Sabah (Esscom) om sikuriti kisindata di suai lolobi id pulau-pulau,” ka disio kumaa Bernama.

Ponuhuan moguung mantad jam ko-7 totuong gisom jam ko-5 kosuabon pinapanau id kinoyonon tolu batu nautika mantad tisan rahat mantad Sandakan kumaa id Kinabatangan, Lahad Datu, Semporna gisom sunsuion Tawau, kapaampai sinodu 362 batu nautika om kinoyonon ginayo 121,270 batu nautika persegi.

Tumanud di Roselan monginsada kinoyonon kakal osimbayan monginsada id rahat mogihum kaakan-akanon miampai syarat, mositi mokianu yolo kasagaan mantad balai pulis kinoyonon. – Bernama

Komen


Berita Berkaitan