Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kinapaasan UPSR 2015 id Sabah nokoingkawas

jame alip
KOTA KINABALU: Koputusan toinsanan Poniisan Penilaian Sikul Tosiriba (UPSR) 2015 montok sikul-sikul id pogun diti nokoingkawas om goos ttosonong nagampot poompus limo toun pogulu diti.

Potunud Balajaran Pogun Sabah, Datuk Jame Alip minoboros do kinoingkawason dilo nopo nga soginumu 2.67 pihatus.

“Toinsanan nopo nga soginumu 22,972 tulun toi ko 53.76 pihatus nakaanu minoposurat sokuri-kuri kinaangayan nayatan C id toinsanan mato balajaran di naanu.

“Iti nopo nga minopokito kinoingkawason soginumu 2.67 pihatus piagalon dilo 22,699 tulun toi ko 51.09 pihatus di toun 2014,” ka disio..

Minoboros isido miagal dilo id pitimungan habar Kopoilaan Koputusan Poniisan Pencapaian Sikul Tosiriba (UPSR) 2015 id Wisma Pendidikan Pogun Sabah do hiti.

Ka disio 10 sikul SK nokoposurat kinapaasan tosonong UPSR 2015, ilo nopo nga SK Bombaai Tawau, SK.Sri Gaya KK, SK.Pasir Putih Tawau,SK.ST.Agnes KK, SK. Bahagia Tawau, SK.St Francis Convent KK, Sk.Bukit Lalang Semporna, SK. St benedict Ranau, SK.TG Aru II KK om SK.St Monica Sandakan.

Om sikul SJKC nokoposurat kinapaasan tosonong nopo nga SJKC.Shan Tao KK, SJKC.Lok Yuk Likas KK, SJKC.Chung Hwa Kg.Air KK, SJKC Yuk Chin Tawau, SJKC.Anglo Chinese KK, SJKC .Yue Min Penampang, SJKC Pui Gin Sandakan om SJKC. Sin Hwa Tawau.

Sikul Kurang Murid (SKM) nopo nga SK Jabang Beaufort, SK Taginambur, SK Rangalau Baru Tuaran, SK Tinmpok Liwan Tambunan, SK.Ratau Ranau, SK.Perancangan Ranau, SK Suangpai Kudat, SK. Guakon Baru Tuaran, SK Karangan Beaufort, SK Saliku Nabawan om SK Lingga Baru Tuaran. – Dii Dewiana Tinggolongon / sayangsabah.

Komen


Berita Berkaitan