Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kinalantaian do BN id Sarawak pointalang rayat pobibi susumaap

musa-aman-600x366
SANDAKAN – Kinalantaian Barisan Nasional (BN) id Pomilian Tagayo Pogun (PRN) Sarawak ko-11 pointalang rayat id pogun diti pobibi paati susumaap ih amu manahak kosuulan kumaa diolo.

Boyoon Montiri ih ponogi Ponorikohon BN Sabah Datuk Seri Musa Aman minoboros do rakyat Sarawak minomili do BN montok mogowit koinsonongon poimpuli montok kotilombuson kotundaan pogun dilo.

“Kinalantaian do BN tantu kaanu mogowit koinsonongon kumaa dilo (rayat Sarawak) do poimpuli sabap nakaanu minopotimporon koporintaan BN,” ka disio kumaa maganu habar.

PRN Sarawak Ko-11 minopokito BN nakalantoi 72 mantad 82 tirikohonon ih piniala.

Minoboros ih Musa do kinamanangan do BN id Sarawak dilo popokito rayat id pogun dilo manahak sokodung ogirot kumaa kopomuruanan di Boyoon Montiri Tan Sri Adenan Satem.

Ka disio, ilo pointalang popokito rayat Sarawak manahak sokodung kumaa dii Luguan Montiri Datuk Seri Mohd Najib Tun Razak om kumoduo dau Datuk Seri Dr Ahmad Zahid Hamidi. – BERNAMA

Komen


Berita Berkaitan