Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kinagabasan di Thien amu pinopogompit pambaraian tusin ponobus: Ahmad Zahid

zahid
MANCHESTER: Kumoduo Luguan Montiri Datuk Seri Dr Ahmad Zahid Hamidi minoboros do kinagabasan di munggui tinangayan, Thein Nyuk Fun, i tinangayan do tinimungan mononongoi id koributon Filipin, amu kopogompit pambaraian tusin tobus, sambalik dilo, asil pirundingan id pialatan do bohogian kokuasaan Malaysia miapai tinimungan mononongoi kogompit.

Ahmad Zahid, ih ponogi Montiri Suang Pogun, minoboros do kinalantaian pinapagabas do munggui tinangayan dilo nga asil nogi pisokodungan tosomok miampai do bohogian kokuasaan Filipin.
“Naanu minanalasai o panangayan montok sogulun munggui, poingkuro po nga songulun po kawagu munggui amu po nakoidu. Pirundingan tilombuson papanahon do bohogian dahai om aiso tusin ponobus di kogompit suai ko maya pirundingan ngawi do bohogian dahai.

“Otumbayaan yahai do nung bohogian monongoi osonong ginawo montok amu mongontok kooturan ngawi di osolot, mantad dilo do alansan nogi yahai songulun po kawagu munggui tinangayan do aaanu pagabason id timpu toruhai,” ka disido di ontok pokionuo mongomi karait kinagabasan di Thein, do hiti di tadau Koiso nakatalib.

Ahmad Zahid id kotombuluian apat tadau id United Kingdom, do hiti tu tuminindapou pangangakan miampai do diaspora Malaysia. – Bernama

Komen


Berita Berkaitan