Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kimpin koumoligan nayatan sikul tosiriban 2015

anita
PUTATAN: Soginumu 1,002 kiis kapaampai tangaanak sikul pinoruput id timpu tulan Koiso gisom Kowalu toun diti kumaa Koupisan Porkhidmatan Kobajikan Am Sabah.

Montiri Kotundaan Mogigion om Ahal Momoguno Sabah, Datuk Jainab Ahmad minoboros do koupisan dilo minopoindalan iso kimpin koumoligan kapaampai tanganak sikul id nayatan sikul tosiriba.

“Toinsanan puru apatut miiso om misokodung monungolig tangaakan mantad koligaganan. Alanssan oku kimpin diti kaanu monguhup kopoinsiribaan kiis di kapaampai tangaanak,” ka disio.

Minoboros isido miagal dilo id boboroson dau minopotimpuun kimpin koumoligan tangaanak sikul
“Safe and Protect” nayatan pogun Sabah id Hotel Soluxe, do hiti di konihab.

Boboroson disio pinolombus di Monguhup Montiri Kotundaan Mogigion om Ahal Momoguno Sabah Datuk Anita Baranting.

Daamit dilo Potunud Kobajikan Pogun Sabah Mohammad Noor Wahab minoboros do tuduan tagayo nopo kimpin dilo nga montok posibar om manahak kopurimanan kumaa mogigion karait kosuulon madtamong koumoligan tangaanak. – Dii Elezebeth Esther Onjining/Sayangsabah

Komen


Berita Berkaitan