Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kimpin kotungoligan talun alun JKJR potilombuson toun diti

Ellron Angin popotikid topi kaledar kumaa papanau motosikal id kimpin dilo. – foto Kalawon Sawing
Ellron Angin popotikid topi kaledar kumaa papanau motosikal id kimpin dilo. – foto Kalawon Sawing

KENINGAU – Ginumu korita di muhang ruhang id timpu-timpu diti nosiliu iso tadon kinoingkawason kiis koligaganan talun-alun.
Ginumu padsakaian di nokorijistor id pogun diti nopo nga lobi 1 riong miampai papanau poompus toun nakatalib soginumu 700,329 tulun.
Monguhup Montiri kumaa Boyoon Montiri Datuk Ellron Angin minoboros do kobolihangkangan dilo milo salasaion maya kimpin kopurimanan ih pinaharo miampai piropoiro agensi mongusa sbagi pingisaman do popoingkawas kopurimanan id tanga momoguno id talun-alun.
“Kiguno kopio poingkawason kopurimanan karait kotungoligan id talun-alun kumaa toinsanan momoguno talun-alun lolobi okon nopo ko id timpu haro karamaian nga pompus timpu,” ka disio.
Minoboros isido miagal dilo kumaa maganu habar kalapas minopotimpuun Kimpin Kotungoligan Talun-alun Nayatan Pogun id Kilometer Tiga, Jalan Apin-Apin,Keningau.
Tumanud di Ellron, tulun ginumuan lolobi kopio papanau korita apatut minting intong id talun alun sabap koligaganan okon nopo ko popoimbulai kobolihangkangan tinan sondiri nga kumaa nogi momoguno do suai. – Dii Kalawon Sawing / SayangSabah

Komen


Berita Berkaitan