Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kiis toruol karait lisohu nokoingkawas id apat watas id Sabah

jerebu1-600x366
KOTA KINABALU: Kiis toruol karait lisohu id apat watas nokoingkawas, ilo nopo nga Beaufort, Kuala Penyu, Papar om Sipitang, ka di Potunud Koupisan Kolidasan Sabah Dr Christina Rundi.

Minoboros isido do kinoingkawason dilo tumanud asil pogintangan toruol lisohu ih pinapanauu do koupisan dau id toinsanan watas nokomoi.

Ka disio, Beaufort minoposurat toruol konjunktivitis (aragang mato), longohon om asma miampai 310 kiis pinosurat montok timpu tolu tadau id suang minggu diti, piagalon 346 kiis poompus mingu nakatalib.

Id Kuala Penyu, soginumu 61 kiis miagal dilo pinoruput montok timpu toluu tadau id suang sominggu piagalon apat di minggu nakatalib.

“Pongintaban montok watas Sipitang om Papar wagu poh nokoruput minggii baino nga minopokito ginumu kitoruol di akawas montok toruol pomuhabaan om respiratori,” ka disio id suang kointalangan do hiti di baino.

Tumanud dii Dr Christina, basaan Indeks Kososomuan Tongus (IPU) ih pinosurat Koupisan Ahal Misorili mantad tadau ko-2 gisom ko-4 tulan Kaapat montok Beaufort minopokito kualiti ttongus amu olidas om oindamaan amu olidas, suai ko watas dilo nokoumbal minoposurat iso basaan IPU koligogon ilo nopo nga 301 ontok ko-4 tulan Kaapat.

“Nga, basaan IPU nokoinsonong sonong nodii songkosodop, id ningkokoton osuhatan,” ka disio.

Poingkuro po ka disio, puru dau kakal potilombus pogintangan karait lisohu id timpu timpu.

Pinosorou nogi dii Dr Christina tulun ginumuan mooi mangalai mantad oontok do lisohu miampai mongingkuri karaja id labus om maganu laang suai montok madtamong kolidasan. – BERNAMA

Komen


Berita Berkaitan