Sayang Sabah Facebook

Likes
Sayang Sabah Twitter

11,655

Followers

Sayang Sabah - Portal Berita Negeri Kita

Kiis ponugkuan tana pinoopi Riparian owiton id kuut

2:36pm 26/02/2016 Maryann 2 views Abal Kinoyonon,Kinoyonon,Sandakan

Mahkamah1
SANDAKAN: Natandasan id kiis monugku 0.53 hektar Tana Pinoopi Riparian poinsomok do Kampung Sukau, Kinabatangan kotoguang kuut id suang timpu amu alaid mantad baino.

Potunud Koupisan Pias Sabah Datuk Sam Mannan minoboros do koupisan dino nokopupus minomonsoi koponoriukan om karatas koponoriukan pinatahak kumaa kumoduo Mamadawa, Koupisan Luyor Pogun Kota Kinabalu.

“Kiis owiton kumaa kuut id piokunan boogian DPP mantad Linimput Luyar Pogun Kota Kinabalu ontok tulan diti,” ka disido id suang kointalangan habar id laman poimbida koupisan dilo di konihab.

Minoboros isido koupisan dino nokopongintutun ababayan sumuang om managad kayu id watas pias pinoopi Riparian dino ontok Tulan Koturu toun nakatalib maya karaja miampai Koupisan Tana om Ponukuan om Koupisan Panamangan Sandad Posorili.

Ka disido karaja dilo winonsoi mantad kumpilin id suang habar kinoyonon i pinopoilo do nantakan managad kayu om pambakasan id kinoyonon dino.

Minoboros i Sam id suang karaja dino, bohogian disido nokoruba kinoyonon Tana pinoopi Riparian i binakasan kiginayo do 0.53 hektar.

Kiis soriukon id siriba Seksyen 23 (2) Enakmen Pias 1968 i nung kogompit kassala oontok do danda takawas no kopio gisom RM500,000 om tolungku amu katalib 20 toun. – BERNAMA

Apa Komen dan Pendapat Anda

Artikel Berkaitan