Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kiis minamatai: Duo tinahan, songulun napatai notimbak

 PITIMUNGAN KHABAR … Jalaluddin (tanga’) id pitimungan maganu khabar. - foto SayangSabah

PITIMUNGAN KHABAR … Jalaluddin (tanga’) id pitimungan maganu khabar. – foto SayangSabah

KOTA KINABALU: Duo tulun natandasan ginakom om songulun poh kawagu napatai tinimbak do pulis ih kikotumbayaan nokohompit id kiis pamataian songulun kusai di tadau ko-31 tulan Kohopod om Duo nakatalib id Taman Ketiau, somok hiti.
Posurujaya Pulis Sabah, Datuk Jalaluddin Abd Rahman minoboros do sontinumungan pulis mantad raam IPK Pogun, IPD Penampang om IPD Papar ih binuruan dii Inspektor Wan Faizal minonugku iso walai aiso numbur id Kg Madang, Kinarut somok hiti, pikikiro jam 4 kosuabon di tadau ko- 6 tulan Koiso, nakatalib.
“Soira nokorikot o puru pulis id walai dilo, songulun kusai ih nointutunan sabagii Madlauddin Alipin kiumur 46 toun mumbal mogidu nga naanu tinangkap,” ka disio id pitimungan khabar id longkod tupis Pulis Kontinjen Pogun, hiti di tadau baino.
Tumanud di Jalaluddin, piro-piro tulun pulis minomonsoi pmoorisaan tosorisid id suang walai dilo om nabantalan diolo songulun tondu nointutunan sabagii Hostilita Shahi, 37, miampai songulun tanak.
“Pogulu nopo minuhot ilo tondu kumaa pulis, nokuro tu tinangkap diolo sawo dau (Madlauddin) nga songulun pulis kotutun isai kopio sawo dii tondu nokomoi.
Tinahan do pulis ilo tondu sabap kikotumbayaan haro kogoitan id kiis minamatai.
Ka di Jalaluddin, mantad ponoriukan do tondu nokomoi, minopogowit do pulis minogihum dii natandasan kopio poinlisok id siriba bangku walai dilo, nointutunan do ih Fazly De Rizon.
Tumanud disio, mumbal ih Fazly do sumaap miampai monguhod di pulis momoguno iso dangol pogulu songulun pulis minonimbak nga amu noontok.
“Ih natandasan, tinumuhun maya titigaon om mumbal kawagu monguhod do songulun po kawagu tupisor pulis momoguno dangol,” ka disio.
Montok manalamat do nyawa tupisor pulis dilo, songulun pulis nasansagan do minonimbak dilo natandasan om noiduan ginawo id kinaantakan dilo.- Dii Nuzir Andi Samsiar / SayangSaba

Komen


Berita Berkaitan